‘O mare ‘ncanta e sceta ogni passione.
Se specchia ‘o sole e ne fa ‘nzieme festa.
Cu la cravatta furmata ‘a raggio ‘e luna,
mill’uocchie argiente si nun c’è tempesta.
È chin’e ‘e vita! S’ ammescano assaie razze,
ca stanno ‘nzieme, ‘a che nascette ‘o munne,
e ieng’e vvarche ‘e chi ne mena ‘a rezza,
ca ‘ngrato cagne, cu munnezza nfunne…
Carezz’a rena addò spanna nu zico.
Frischea a calura a chi dinte se ‘nfonna.
Cuncede ammore c”o scenario antico
e cunnulianne, le canta vecchia ninna.
Ma, schiav’e legge d”a Natura nziste,
nun maie perdona a chi le nega spazio.
Nce scumma e sgizza addò lu ferm’a costa.
Agliotte e affonne, chi lu sfida a sfizio.
Senza pietà nasconne chi se sperde
o va vucanne quanne se ‘ncrespa forte.
Nun dà signale a chi l’affronte ‘e quarte,
ca nun se salva manco si implor’ ‘a ciorta!
Chi piglia ‘o mare pè cercà furtuna,
ha dda sapè ca lle presenta ‘o cunte.
Ca nun cuncede maie pietà a nisciune.
Mantene sempe ‘o stesso purtamente!
Ne sparte terre, nfilannese tra sponde,
e sonna ‘a gente ca resta assaie luntane,
ca guarda ‘nfine addò fernisce l’onda,
cu la passione ‘e chi spera ritorna.
Finanche ‘o ciele, quanne nire e funesto,
zeffonne d’acqua, cu fulmini e saette,
nun le fa specie, è pronto p”a risposta:
c’onne ‘mpazzute, pè fà vedè ch’è forte!
Davide De Stefano è attivista presso l’associazione Fondalicampania Aps, dove riveste il ruolo di Presidente. “Passione e competenza sono la base di un percorso associativo sano e produttivo. Dedicare parte del nostro tempo alla cura del bene comune è fondamentale per promuovere una crescita collettiva e tutelare la nostra salute. Il rispetto delle idee altrui nasce dalla consapevolezza che apparteniamo tutti a un’unica grande Tribù Globale. Cooperare, dunque, è uno strumento essenziale per proteggere l’ecosistema di cui facciamo parte.”